ТӨРИЙН АЛБАНЫ 92XX-XXXX ҮҮРЭН ХОЛБООНЫ ДУГААР

Засгийн газрын 2018 оны 311 дүгээр тогтоолд заасны дагуу Төрийн албан хэрэглээний үүрэн холбооны 92хх-хххх дугаарлалтыг “Скайтел” ХХК, “Жимобайл” ХХК-уудын сүлжээнд үүсгэн, хөнгөлөлттэй нөхцөлөөр ашиглах үйлчилгээг нэвтрүүлээд байна.

Төрийн байгууллага, албан хаагчид энэхүү үйлчилгээг ашигласнаар хоорондоо болон төрийн үйлчилгээний суурин утасны дугаар, Жимобайл, Скайтелийн сүлжээнд хязгааргүй ярих, мессеж бичих, бусад сүлжээ рүү хямд тарифаар ярих, дата үйлчилгээг хамгийн хямдаар ашиглах зэрэг давуу талуудтай.

Монгол Улсад коронавирус халдварт өвчнөөс урьдчилан сэргийлэх, эрсдлийг бууруулах арга хэмжээг Засгийн газар, Улсын Онцгой комиссоос зохион байгуулж, цахим шилжилтийг онцолж буй одоо цагт Төрийн байгууллага, албан хаагч та хамт олон болон Төрийн байгууллагуудтай холбогдох, мэдээлэл солилцохдоо 92XX-XXXX дугаарыг ашиглан зардлаа хэмнэж, үйлчилгээний давуу талуудыг ашиглахыг зөвлөж байна.

Төрийн албан хаагчдад зориулсан хамгийн хэмнэлттэй урьдчилсан төлбөрт болон дараа төлбөрт үйлчилгээг Төрийн холбооны Соёмбо салбар болон Скайтел ХХК, Жимобайл ХХК-ийн төв орон нутгийн салбаруудаас авна уу.

Жимобайл ХХК-ий улс хоорондын ярианы 009 гарцын шинэчлэгдсэн тарифтай танилцана уу.

УРЬДЧИЛСАН ТӨЛБӨРТ ҮЙЛЧИЛГЭЭНИЙ ШИНЭ ДУГААР